29 de maio de 2012

os muros

(foto: carlos silva)

***


OS MUROS

"O Exército de Estados Unidos difundiu un informe de 2.500 páxinas que, entre outras cousas, relata que os soldados norteamericanos simularon fusilamentos de prisioneiros".

Os muros
non entenden de enganos.
Todo o que ante eles sucede é para eles certo
porque non teñen máis mirada
ca os seus brazos.

Os muros
malia non ter ollos
saben chorar, amargos,
un pranto de óxido
por todos aqueles que, tendo ollar,
non queren saber do terror
que o mundo asolaga.

Os muros
son silenciosos na mágoa
non falar é a súa esencia
o obxecto co que foron erguidos:
"gardaredes os segredos desta casa".
Sen ollos e sen boca
só poden sufrir certamente
abrindo fendas na alma.


*



Sem comentários:

Enviar um comentário