(foto: carlos silva)
***
a calcinación da torrada
verquendo frangullas sobre o leite aínda morno
que sosterá da salgada ferruxe das mareas
as engurras das mans
o xabón até os pulsos espidos
a auga a correr
conformando o manto proletario
aló
o mar
tan perto e tan lonxe
dende os cumios de ferro
os guindastres dos que desprenderse e caer
espirse da calor do lume da soldadura
do contacto da pel núa sobre o ferro candente
e máis
un petisco
no alto
observando como o sol apaga o océano
*
Alberte Momán
Sem comentários:
Enviar um comentário